DAVAO CITY – Mukabat na sa 4.6 million pesos ang na payout sa DSWD Field Office XI pinaagi sa Sustainable Livelihood Program (SLP) karon nga buwan sa September alang sa Livelihood Settlement Grants (LSG) ngadto sa mga kanhi reblede sa tulo ka probinsya sa Davao del Norte, Davao de Oro, ug Davao Oriental.
Mikabat sa 230 ka benepisyaryo ang nakadawat og P20 mil alang sa ilang individual livelihood project ug laing 3,000.00 alang sa food and transportation Assistance.
Isa ang DSWD sa mga ahensya nga nanguna sa E.O. 70 or ‘Institutionalizing the Whole-of-Nation Approach aron mapabilin ang sustinableng kalinaw, pagtukod sa National Task Force to End Local Communist Armed Conflict ug ang direktibang pag adopt sa National Framework’.
Nagpahigayon usab ug monitoring ang mga personahe sa Disaster Response Management Division (DRMD) sa mga sa Munisipyo sa Talaingod, Davao del Norte sa pagpanguna ni Assistant Secretary Rodolfo Encabo sa Disaster Response Management Group (DRMG).
Partikular na gilantaw sa grupo ang implementasyon sa Modified Shelter Assistance Program (MSAP) ug ang Climate Change Adaptation and Mitigation (CCAM) – Cash for Work program sa maong lungsod aron makita ang kahimtang sa mga proyektong nadalit sa buhatan.
Dugang pa niana, nakighinabi pud ang monitoring team sa mga lokal nga opisyal ug mga community leaders sa Lungsod sa Talaingod aron masuta pa ang mga posible pang matabang sa DSWD sa ilaha.
