DAVAO CITY – Nagpahigayon ang traffic enforcement Unit sa dakbayan og pagguba sa mga voluntary turn-over and surrendered modified mufflers, blinkers ug lights lakip na usab ang turn-over sa alcohol breath analyzer kits ug re-launching sa RA 10586 operations niadtong Mayo 31, ala 1 sa hapon sa may TEU Compound nga nahimutang sa Ecoland ning dakbayan.
Mukabat sa 623 ka mga mufflers samtang 42 sets sa mga blinkers usab ang gipang surrender nagdto sa mga nagkadaiyang police sttaions nga gipangguba kagahapon gamit ang pison.
Sumala pa nga ang mga gisurrender nga mufflers gikan kini kaniadtong Hulyo 2 ning nakalabay nga tuig hangtod kagahapon adlawa Mayo 30, tuig kasamtangan.
Gitambungan ang maong kalihokan sa mga nagkadaiyang opisyal gani naghatag og welcome message si PCOL Rolindo Suguilon, ang OIC sa Davao City Police Office samtang gi-relieve sa katungdanan si PCOL Richard Bad-ang.
Gipangunahan usab sa City Government of Davao ang pag turn-over sa Alcohol Breath Analyzer Kits. Samtang alang sa re-launching sa RA 10586 and declaration of LTO Deputized Agents, gipangunahan kini ni Ms. Eleanor Calderon, Regional Director sa LTO XI.
Anaa usab ang presensya ni Davao City Mayor Baste Duterte diin gihatagan niini og pagtagad ang nagkadaiyang ahensya sa dakbayan sama sa TEU, PRO, DCPO ug LTO nga nagpaluyo niining kalampusan.
Sumala pa ni Mayor Baste, nga ang mga nakumpiskang modified mufflers nakahatag lamang og kasaba og kahambog ngadto sa comunidad hilabi pa nga naka contibute usab kini og noise pollution sa dakbayan nga sagad makaapekto nagdto sa mga residente nga buot mopahulay sa tagsa-tagsa ka panimalay sama sa mga kabataan og katigulangan nga gustong matulog nga malinawon og lakip na usab sa mga work-from-home nga indibidwal.
Samtang gihatgaan usab og gimbug-aton sa alkalde ang kabahin sa RA 10586 kon anti-drunk/drugged and driving act 2013 nga usa lamang kini ka pamaagi aron mahimong disiplinado ang mga motorista og drivers sa kadalanan.
