Naglusad ang Amerika og military strike sa Syria human mamatay sa usa ka ambush ang duha ka Amerikanong sundalo ug usa ka American civilian interpreter dula-an usa ka semana na ang milabay.
Ang operasyon nagtumong usab sa pagpukan sa mga Islamic State (IS) fighters ug ilahang mga weapon sites isip baylo sa pagkamatay sa tropa sa Amerika.
Sumala sa usa ka opisyal sa US, naigo ang 70 ka mga target sa dagkong strike sa central Syria diin nahimutang ang imprastruktura ug mga armas.
Sa usa ka post, gibutyag ni Defense Secretary Pete Hegseth nga kini dili pagsugod sa giyera, kondili deklarasyon sa pagpanimalos ug nagpasabot nga ang Trump administration dili magpanuko sa pagdepensa sa ilahang mga tawo.
Una nang mitug-an si Trump sa seryosong pagbalos human sa pagpamusil sa ilahang tropa sa disyerto sa Syria, nga iyang gisang-at sa IS.
Matod niya, ang mga napatay kabahin sa libuan nga tropa sa Amerika sa eastern Syria nga kauban sa coalition batok sa militanteng grupo.
Giklaro usab ni Trump nga ang target sa Amerika mao ang mga kuta sa IS, ug iyang gipasabot ang suporta sa Syrian President Ahmad al-Sharaa, nga naghatag usab og bug-os nga suporta sa aksyon sa Amerika batok sa Islamic group.
