Dakpan ang usa ka amahan nga mubisita matud pa sa napriso niini nga anak, apan, sa pag inspection sa otoridad nasayran nga aduna kini gitagoan nga gitouhang illegal nga droga kon shabu.
Sumala sa report sa otoridad, nahitabo ang maong insidente sa Davao City Jail Male Dormitory human masakpan sa inspection ang amahan nga mobisita sa anak nga Persons Deprived of Liberty kon PDL nga adunay gitagoan nga gituohang illegal nga droga kon shabu pasado alas 11 sa buntag, kagahapong adlawa.
Mismong si JO1 Nelson Epifanio ang nakasakop sa dalaw nga amahan nga giila usab nga si Renante Francisco Cellona.
Nakapkapan sumala pa ni JO1 Epifanio ang boxer shorts ni Cellona nga daw mibukol ang garter niini ug sa dihang gitastas kini nakita na ang gituohang illegal nga droga kon shabu.
Hinungdan nga dali nga gidakop ang suspetsado sa BJMP kauban ang mga Maa PNP.
Gibana-banaan nga mokabat sa kapin 50,660 pesos ang kantidad sa gituohang illegal nga droga kon shabu nga nakuha sa possession ni Cellona.
