DAVAO CITY – Amahan mihimo nga sex slave sa kaugalingon nga mga anak babaye sulod sa halos napulo ka tuig.
Nasayran nga nag-atubang na ug kaso gumikan sa pagbaboy niini sa pagkatawo sa duha ka mga biktima sa lungsod sa Banaybanay, Davao Oriental.
Nasayran gikan kang Police Capt. Eunice Huit nga na file ang kaso batok sa suspek.
Base sa imbestigasyon nasayran nga nabuntis na matud pa ang mas magulang nga biktima diin nasayran nga gagmay pa lamang nga mga bata gihilabtan na sila sa ilang amahan ug gibanabanaang anaa na sa 10 ka tuig.
Dugang pa sa hepe sa kapolisan nga posibleng nahibalo na ang inahan sa kahimtang sa iyang mga anak sa kamot sa ilang amahan apan wala lamang kini magpakabana gumikan sa kahadlok nga mawad-an sila ug tigpanginabuhi sa ilang pamilya.
Posible sab sumala pa nga makasohan ang inahan kong mapamatud-an nga wala kini’y gihimong lakang sa pagtratar sa iyang bana ngadto sa ilang duha ka mga anak dugang pa ni Huit.
Hinoon warrant of arrest na lamang ang ginahulat sa kapolisan sa maong lungsod aron hingpit na dakpon ug ibalhug sa bilanggo-an ang suspek.
