-- ADVERTISEMENT --
DAVAO CITY – Wala magsilbi ang habak sa usa ka construction worker human nga dead on arrival sa ospital sa gilusad nga drug-buybust operation sa mga operatiba sa Sta.Ana PNP ubos sa pagduma ni PMaj. Benkalin Baluan, Station Commander pasado alas 10:00 kagahapon sa buntag.
Gipahigayon ang operasyon sa Prk.3, Brgy.31-D, Boulevard ning dakbayan sa Davao.
Naila ang suspek nga si Leo Bandella 44-anyos alyas KING-KONG ug residente sa nasampit nga lugar. Sumala sa report sa kapulisan nga bag-o lang nalambigit sa pagpanunggab ang nahisgutan sa ilang lugar ug sa iligal nga druga.
Narekober sa crime scene ang .38 revolver nga dunay mga bala ug mga iligal nga druga nga dunay street value nga mukabat sa P25,000.
