Miinit na ang ulo sa gipalagpot nga Mayor sa Bamban Tarlac nga si Guo Hua Ping alias Alice Guo, human nga gipakita ni Davao Oriental Rep. Cheeno Almario ang usa ka video documentary kabahin sa usa ka Chinese Spy sumala pa nga si She Zhijiang.
Namatikdang nasuko na si Guo human nga gipakita ang maong video, diin giangkon ni She Zhijiang nga usa matud pa siya ang gahatag ug pundo nga kwarta ngadto kang Guo Hua Ping nga maoy ginatuohang Chinese identity ni Alice Guo alang kaniadtong 2022 campaign period sa nasud.
Susama gihapong dukomentaryo ang gipakita ngadto kang Guo labot sa lugar niini sa China, diin asa kini gipakatawo ug nasayran nga duol kini sa buhatan sa Chinese Communist Party.
Apan hugtanon kining gilimod ni Guo, gani nasuko na kini sa dihang gipangutana na usab kini ni PBA party-list Rep. Migs Nograles kabahin sa maong video.
