Masulayan dayon ang kalig-on og abilidad ni Alexandra “Alex” Eala, sa unang higayon nga iyang pagdula sa prestihiyosong The Wimbledon Championships nga magsugod sunod adlaw.
Ang 20-anyos nga pinay rising tennis star makig-atubang sa dako nga hagit sa pagsugod sa iyang kampanya sa Wimbledon batok sa defending champion ug Olympic gold medalist nga si Barbora Krejčíková.
Si Eala nakasulod sa semifinals sa Miami Open ug nakatungtong sa finals sa 2025 Lexus Eastbourne Open ang iyang katapusan nga torneo sa grass court sa wala pa ang Wimbledon.
Sa Eastbourne finals, gitinguha ni Eala ang una niyang titulo sa WTA human niyang gipildi si World No. 111 Varvara Gracheva sa intense nga semifinals nga mitapos 7-5, 2-6, 6-3 sulod sa duha ka oras ug 27 minutos.
Tungod sa maayong performance, misaka si Eala sa career-high nga No. 56 sa WTA live rankings, bisan pa nga opisyal pa siyang gi-ranggo karon isip No. 74 hangtud sa sunod nga update. Sa pikas bahin, si Krejčíková, nga reigning Wimbledon champion ug duha ka beses Grand Slam winner.
