-- ADVERTISEMENT --
Wala nasakmit sa Pinay tennis ace nga si Alex Eala ang kampeonato sa WTA 250 Eastbourne Open human kini mapilde sa Australianang tennis player nga si Maya Joint sa iskor nga 6-4, 1-6, 7-6 (10).
Ang 20-anyos nga Pilipina nakatala og makasaysayanong kalampusan sa maong kompetisyon isip unang Pilipino nga nakasulod sa Finals sa maong iladong tennis tournament.
Kini usab ang unang higayon nga nakaabot si Eala sa Finals sa WTA Tour, ug wala niya mapugngan ang pagbati ug misugod kini og hilak human sa duwa.
Bisan pa sa kapildihan, padayon ang pagdula ni Eala samtang siya nagapangandam sa iyang kampanya sa Wimbledon, diin makig-atbang siya sa reigning champion nga si Barbora Krejcikova.
