Dili na makaaginod sa final round ang 19-anyos nga Filipina tennis sensation nga si Alex Eala sa iyang paningkamot human nga napildi sa World Rank no.4 nga si Jessica Pegula sa ilahang WTA 1000 Miami Open Semi-Final match, nga adunay iskor nga 7-6, 5-7, 6-3.
Unang gipildi si sa unang set, apan nakabawi kini sa ikaduha, apan pag-abot sa ikatulo dinhi na hingpit nga natapos ang pakigsangka.
Gipahigayon ang ilahang panagsangka kaganihang alas Dyes pasado (oras sa Pilipinas).
Bisan pa sa kapildihan, nahimong makasaysayanon ang gipakitang performance ni Eala human niyang gipildi ang tulo ka Grand Slam champions sa sunod-sunod nga torneo.
Samtang, susihon sa mga doktor ang wala niining tiil, tungod sa kasakit nga iyang gibati atol sa tournament.
Bisan paman sa iyahang kapakyasan, nagpadayon usab ang pagbaha sa mga mensahe sa pagsuporta ug pagpasidungog alang kang Eala gikan sa iyang mga fans sa Pilipinas ug sa tibuok kalibutan. Bisan ang pipila ka mga sports enthusiast wala makapugong sa ilahang pagdayeg sa maayong performance sa Pinay tennis sensation.
