Nakuha ni Pinay tenis sensation Alex Eala ang kampeonato sa 2026 Kooyong Classic nga gipahigayon sa Kooyong Stadium sa Kooyong, Melbourne, Australia.
Pormal nga gipahayag sa mga organizers ang paghatag kang Eala sa korona sa women’s division. Gihatag sa Pinay netter ang Evonne Gooladong Cawley Trophy sa usa ka simpleng awarding ceremony.
Insakto na ang 6-3, 6-4 straight-set win sa 20-anyos Pinay bet kang Donna Vekic sa Croatia sa ilahang panag-atbang niadtong Miyerkules, aron maseguro ang korona.
Samtang sunod nga hatagan ug pagtagad ni Eala ang 2026 Australian Open kung diin makita kini sa unang higayon sa main draw sa women’s singles.
Anaa na sa Melbourne si Eala aron pangandaman ang iyahang debut sa nahisgutang Grand Slam event.
Sa kamatuoran, nag-post ang Australian Open organizers ug makita nga nag-training kini kauban si Grand Slam champion Coco Gauff sa Estados Unidos.
Dili na usab bag-o sa matag usa sila si Eala ug Gauff gumikan kay nahimong doubles partners na ang mga nahisgutan sa nakalabay nga tuig sa Italian Open.
Samtang subay sa gipagawas nga draw sa Australian Open organizers, modula si Eala sa first round sa Australian Open batok kang Alycia Parks sa Amerika.
Bisan unsa ang mahimong resulta sa first round match niini, makaseguro na si Eala ug mukabat sa $150,000 Australian dollars o halos mubalor sa P6 milyon
