Niabante na sa singles quarterfinals sa Abu Dhabi Cup ang Pilipina tennis star nga si Alex Eala.
Kini human siya nakalahutay sa tulo ka set nga mga dula batok sa World number 109 nga si Aliaksandra Sasnovich sa Belarus.
Nakakuha og kompiyansa ang Pilipina tennis star sa tulo ka sets nga adunay iskor nga 2-6, 6-4 ug 7-6. Sa unang set, agresibo ang Belarusan tennis player. Pagsulod sa ikaduhang set, nakontrolar ni Eala ang dula mao nga nakaabot kini sa tulo ka sets.
Nakaatubang og hagit ang 20-anyos nga si Eala sa ikatulong set tungod sa iyang mga late errors apan nalampasan niya kini human sa dula tungod sa usa ka palpak nga nahimo sa Belarusian tennis player.
Sunod nga atubangon ni Eala si Ekaterina Alexandrova sa Russia, kinsa niranggo nga number 11 sa Women’s Tennis Association
