Gianunsyo sa Department of Transportation (DOTr) ang pagsang-at og mga administrative case batok sa Aleson Shipping Lines, operator sa MV Trisha Kirsten 3, human sa pagkaunlod niini duol sa Baluk-Baluk Island, Basilan niadtong Enero 26. Lakip usab sa kaso ang mga tripulante sa ferry, ug gisuspendi ang mga ID documents.
Unom ka personnel sa Philippine Coast Guard (PCG) ug walo ka personnel sa MARINA sa Zamboanga ang gitangtang sa ilang puwesto.
Sumala kang DOTr Secretary Giovanni Lopez, posible nga overloading ang hinungdan sa paglainlod sa barko.
Nadiskubre usab ang mga kalainan sa passenger count ug mga paglapas sa safety regulations sa wala pa mobiyahe ang barko, apan gitugotan gihapon kini nga molawig. Ang seaworthiness certificate gi-isyu sa usa ka third-party provider nga Orient Shipping Lines, nga gisuspenso usab ang accreditation.
Gimando ni Lopez ang pakiglambigit alang sa posibleng pagsang-at og criminal complaints batok sa mga opisyal sa kompanya ug sa crew.
Sa maong insidente, 52 ka tawo ang mga namatay samtang 316 ang nakaluwas.
