Airports ug pantalan, nag-unang entry point sa illegal drugs

DAVAO CITY – Nag-una pa gihapon nga entry point sa illegal nga droga ang mga airports ug pantalan.

Kini ang gihatagan ug katin-awan ni Philippine Drug Enforcement Agency (PDEA) Director Aaron Aquino atol sa National Information Convention nga gipahigayon, dinhi sa dakbayan sa Davao.

Dugang pa ni Aquino nga nagpabilin nga alarming ang illegal nga druga dinhi sa Pilipinas gumikan kay tataw gayud nga ma-alaut ang mga mahilambigit niini.

Sumala pa kang Aquino nga dunay kwatro milyones ka mga drug users sa Pilipinas ug 185 ka mga local drug groups ang nag-operate.

Gipasalig hinoon ni Aquino nga magpadayon ang PDEA sa war on drugs, subay sa kamandu-an ni Pangulong Rodrigo Duterte nga hatagan ug taas nga kalidad sa kinabuhi sa mga Filipino.