DAVAO CITY – Gipahigayon karong adlawa ang launching ug blessing sa air to water generator machine sa pagpanguna sa Inday Sa Dagat Advocacy Foundation.
Ang water generator machine ang usaka matang sa teknolohiya diin ang makina moconvert sa hangin ngadto sa tubig nga mamahimong magamit sa panahon sa emerhensiya ilabi na kung adunay mahitabo nga mga kalamidad.
Gikanayon ni Jerson Pardillo ang founder sa ISDA Foundation nga mamahimong magamit usab ang water generator machine sa ubang mga dapit sa nasud nga nakasinati ug kalisdanan sa tubig human maigo ug kalamidad, apan mas labaw nga prayuridad niini ang Davao City.
Dugang pa ni Pardillo nga ang mahinungdanon makatabang sa isig ka ingon diin 24 oras mamahimo silang matawagan aron maka-abante dayon ang ilang water generator machine sa mga dapit nga nagkinahanglan sa serbisyo niini.
Ang nahisgutang makinaryas ang nagkantidad ug 18 million pesos.
Mamahimo kining maka-produce ug dul-an 6,000 liters nga tubig matag adlaw nga katugbang sa halos otso sientos ka mga tawo ang ma-serbisyohan niini matag adlaw.
Dugang pa ni Pardillo nga nakapasar kini sa pagtuon ug gideklarang luwas ang tubig nga ma-inum sa katawhan.
Gitambungan ang blessing sa maong makiinaryas ni Davao City Vice Mayor Melchor Quitain kinsa nagkanayong dakng tabang kini sa syudad sa matag panahon nga adunay kalamidad.
