DAVAO CITY – Molusad ang mga benepesyaryo sa Agrarian Reform ug kampohan sa DAR Central Office aron nga ipakigbisog ang ilang mga katungod sa kayuta-ang gitikad.
Matigayon na ugmang adlawa ang send off ceremony sa mga CARP beneficiaries gikan sa Southern Mindanao padulong ngadto sa kaulohan alang sa Manilakbayan ng mga agrarian reform beneficiaries.
Pinasikad sa impormasyon gikan kang Jupeth Saroyda, media officer sa grupong MARBAI, sa dakbayan sa Tagum ipahigayon ang send off ceremony, diin usa sa mga high light ceremony niini ang pagporma ug human chain, agi ug protesta batok sa Lapanday Foods Corporation nga hangtud karon wala pa mihapon gitahod sa installation order ngadto sa mga agrarian reform beneficiaries sa luna sa yuta sa Madaum, Tagum City.
Sumala pa kang Salvador Barsibal, Board member sa Marbai, tumong sa Manilakbayan nga nga ikapadangat ngadto sa mga Department of Agrarian Reform (DAR) Central Office ang mga mulo sa mga agrarian reform beneficiaries nga dili lamang gikan sa Southern Philippines kundili gikan mismo sa tibuok isla sa Mindanao.
Molusad ug Kampohan ang mga benepesyaryo sa ARB sa gawas sa buhatan sa DAR.
Nanganti ang grupo nga dili mohawa hangtud nga dili mahatag kanila ang ilang gipangayo nga installation order ang ilang gina-claim nga luna.
Ang send off ceremony ipahigayon karong adlawa atbang sa Land Bank sa dakbayan sa Tagum alas 8:00 sa buntag nga tambungan sa gatusan ka mga mag-uuma gikan sa Madaum.
