Agila nga si Pag-asa gi-preserba pinaagi sa taxidermy

DAVAO CITY – Aron nga mapabilin ang imahe sa 28 anyos nga agilang si Pag-asa nga namatay bag-ohay lamang gumikan sa infection, laraw karon sa Philippine Eagle Foundation nga i-preserba kini pinaagi sa taxidermy.

Kahinumduman nga una na sab nga gi-preserba ang inahan ni Pag-asa nga Viola ug lain pang duruha ka mga agila.

Ang nahisgutan nga lakang kabahin sumala pa sa conservation effort sa Philippine Eagle.

Nasayran sa PEF nga anaa na lamang sa 33 ka mga agila ang ilang gi-atiman sa kasamtangan diin walo niini ang tourists sightings samtang 25 ang gipailalom sa breeding in captivity program.