DAVAO CITY – Mipahimutang ug mga timailhan ang mga Geologist ngadto sa mga sagad agi-an sa linog sa Mati ug Lupon, sa Davao Oriental, labi na gyud sa Marayag, Calapagan ug Don Marcelino, sa Lupon ug sa Barangay Taguibo ug Sentro sa Mati.
Giisip ang nahisgutan nga dapit nga nagtongtong sa Philippine Faultline ug pinasikad sa pagtuon sa Philippine Institute of Volcanology and Siesmology.
Sumala pa kang Provincial Information Officer Karen Lou Deloso ang fault line sa Davao Oriental dunay gitas-on nga traynta kilo metros ug konektado sa Philippine Fault Line.
Sumala sa Phivolcs duna say 320 ka kilometros nga fault line sa Eastern Mindanao, gikan sa Surigao padulong sa Mati City.
Gitataw ni Deloso nga ang markers mao ang mogiya sa mga lokal nga mga opesyal alang sa pagpahimangno ug pagpangandam batok sa posibling linog.
Una nang gipahigayon ang walk the fault activity gumikan sa hangyo ni Governor Nelson Dayanghirang.
Sumala pa kang Dayanghirang nga ang pagmarka sa fault line wala magtumong sa pag-alarma sa mga residente sa dapit kun dili paghatag ug impormasyo labot sa linog ug kung unsang himoon aron nga kalikayan ang dakung danyos ug ang mangamatay niini.
