DAVAO CITY – Andam na ang mga personahe sa City Health Office (CHO) sa ipahigayon nga Aggressive community testing sa pipila ka mga Barangay sa siyudad nga taas ang kaso sa Covid-19.
Kahinumduman nga adunay susama usab nga lakang ang ipahigayon sa mga kasikbit nga lugar sa Davao region kini base na sab nahimong rekomendasyon sa mga ekesperto kini aron nga mapugngan ang pagsaka sa kaso sa Covid-19.
Una ng nasayran nga tulo ka adlaw nga molungtad ang maong lakang nga himuon sa walo ka mga sites.
Sumala pa kang Dr. Evelino Buenaventura, Acting Focal sa CHO, karong adlawa sugdan ang testing sa Shanghai Gym sa Talomo Central ug Toril-! Health Center samtang ugmang adlawa Disyembre 2 himuon ang testing sa Central Park Talomo South, Phase 3 SIR Gym sa Talomo North ug Bankerohan Gym sa District.
Samtang sa adlaw nga Huwebes, himuon kini sa Buhangin Proper, El rio Phase 1 , Mintal ug Brgy. Ilang ning siyudad.
Gikanayon ni Buenaventura nga tagbuon sa sakyanan nga gitagana sa LGU ang mga indibidwal nga kabahin sa Aggressive community testing.
