DAVAO CITY- Aduna na lamang pipila ang gikinahanglang taposon aron makumpleto ang bag-ong Agdao Farmer’s Market.
Kini mismo ang gikumpirma ni Dean Ortiz, tigpamaba sa Department of Public Works and Highways-Davao.
Dugang pa sa opisyal nga gilaumang ma turn-over na ang nahisgutang state of the art nga pasilidad ngadto sa lokal nga panggamhanan sa Davao sa ikaduhang quarter sa tuig 2023.
Ginalantaw kini nga makabanepisyo sa daghang katawhan pinaagi sa moderno niining mga kahimanan.
Sa ground floor sa maong palengke nahimutang ang mga wet stalls diin stainless ang mga stalls alang sa mga isda ug karne aron nga dili kini matay-an.
Aduna sab kini kaugalingon nga gripo ug kwentador. Gipasigarbo sab sa nga well ventilated ang ground floor diin adunay gipangmuntar nga mga dagkong ceiling fan.
Sa second floor nahimutang ang commercial spaces ug sa third floor makita ang function hall diin mamahimo kining maka-accomodate og 2000 ka mga bisita.
Usa sab sa mga feature sa pasilidad ang anti-microbial polyurethane nga salog, walkalator, elevator ug ang sewage treatment plant
