Subling gipaklaro sa mga dagkong opisyal sa Armed Forces of the Philippines (AFP) nga magpabilin ang ilahang loyalty sa Konstitusyon, lakip na sab sa administrasyong Marcos.
Gibuhat matud pa kini ang maong pamahayag, sa dihang nag courtesy call kini ngadto kang House Speaker Martin Romualdez.
Sumala pa ni AFP Deputy Chief of Staff Lt.Gen. Jimmy Larida, nga nagapasalig matud pa sila nga ilahang proteksyonan ang konstitusyon sa Pilipnas, lakip na sab ang duly constituted authorities.
Sa habig sab ni LtGen. Ferdinand Barandon, ang commander sa AFP Intelligence Command, nga iyahang gipaklaro nga matinuoron ang militar ngadto sa pagprotekta sa konstitusyon aron nga mapabilin ang pagkapropesyonal niini lakip na usab nga mahatagan matud pa og tumang pag tagad ang ilahang mga nagkadaiyang misyon, isip tigpanalipod sa nasud.
Lakip sa nag courtesy call ngadto kang Romualdez, mao ang 17 ka mga bag-ohay nga na-promote isip pagka General ug mga senior flag officers.
Una na sab nga gisiguro ni Romualdez ang suporta sa AFP, hilabi na sa ilahang 2025 budget ug ang ilahang P350 daily subsitence allowance.
Samtang, wala sab nakalikay kini sa batikos sa mga tawo ang maong nahitabong panagtagbo sa Speaker of the House ngadto sa mga sakop sa AFP, gumikan nahimo na sumala pa nga mihulip isip pagkapangulo si Romualdez, inay nga si Pangulong Bongbong Marcos Jr., ang angay nga muatubang sa mga opisyal sa kasundalohan.
