DAVAO CITY – Gitambagan ni Armed Forces General Andres Centino ang Eastern Mindanao Command (EastMinCom) nga ipabilin ang pagka-disiplinado samtang padayon nga gipatuman ang ilang mandato.
Tipik lamang kini human nga personal niini nga gibisita ang 1003rd Infantry Brigade sa Bunawan District ning siyudad ug 403rd Infantry Brigade sa Malaybalay City, Bukidnon kinsa susama nga nakaangkon sa kalampuson aron pakigbatukan ang rebeldeng kalihokan sulod sa ilang ilang area of responsibility.
Gidayeg ni Centino ang nahimong lakang sa Eastmincom partikular na ang pagbungkag sa mga nagkadaiyang guerilla fronts sa mga rebelde nga responsable sa paglusad ug mga pagpangatake sa kasundalohan.
Kahinumduman nga kabahin sa nahimong kalampusan sa militar ang pagkamatay sa mga lider sa NPA nga sila si Jorge Madlos ug Menardo Villanueva.
Mimong si Centino oang mihatag ug medalya sa mga sundalo nga nahimong kabahin sa operasyon batok NPA.
Gitambagan sab niini ang mga nahisgutan nga siguruhon ang seguridad sa nagsingabot nga pinili-ay sa bulan na Mayo aron nga hapsay kini nga mapahigayon.
