DAVAO CITY – Gipasalig sa Armed Forces of the Philippines (AFP) nga hugot sila nga makiglambigit ug mosuporta sa Philippine Drug Enforcement Agency’s (PDEA) sa pagpakgang sa illegal nga droga pinaagi sa pagmugna ug anti-illegal drug unit nga langkuban sa kasundalohan ug intelligence monitoring.
Matud pa kang Joint Task Force Haribon (JTH) commander Gilbert Gapay nga ang nahisgutan nga lakang tipik lamang human ang gilagdaan nga memorandum of agreement (MOA) tali sa AFP ug PDEA niining milabay nga adlaw apan wala pa nila kini nasumite sa task force unit sa AFP sa Eastern Mindanao Command (Eastmincom).
Dugang ni Brigadier General Gapay nga subay sa general provision, ang AFP motabang sa PDEA nga maoy lead agency sa kampanta batok ginadili nga droga diin ang mamahimong papel lamang nila mao ang pag-augment ilabi na kung kulang ang assets sa PDEA sa conflicted areas.
Sa kasamtangan, dili pa nila mabutyag kung si kinsa nga mga personahe ang mamahimong miyembro sa task group ug ila lamang kini nga mugnaon sa higayon nga madawat na nila ang mga guidelines.
