DAVAO CITY – Gihangyo ni Acting Vice Mayor Bernard Al-ag sa iyang mga kaubanan sa 18th City Council nga suportahan kini sa transition period sa pagka-bise mayor sa dakbayan.
Nasayran gikan kang Al-ag nga mga baynte singko porsiento sa iyang emosyon mao ang kakulba gumikan kay bag-ong hagit kini sa iyang political career bisan kung nasayud na kining daan sa trabaho sa bese mayor.
Una nang gipahayag sa Acting Vice Mayor nga ipadayon niini ang mga nasugdan nga mga gimbuhaton ni resign Vice Mayor Paolo ‘Polong’ Duterte.
Labi na ang pagpahimutang ug mga lead lights sa mga poste sa kadalanan, pagpatuman sa budget ug paghatag ug insentibo sa mga mopahimutang ug mga car parks.
Gipasalig sab ni Al-ag nga dili mabag-o ang konseho sa suporta nga ginahatag niini ngadto sa ehikutibo, labi na ang 10-point agenda ni Davao City Mayor Inday Sara Duterte-Carpio.
