ACT-CIS Partylist Rep. Edvic Yap, mi-resign

Nikanaog na si ACT-CIS Partylist Rep. Edvic Yap sa House of Representatives, subay sa pahibalo sa plenaryo sa wala pa ang sesyon nga gi-adjourn kagahpong adlawa.

Wala pa moluwat og pamahayag si Yap kalabot sa iyahang pag-resign sa Kamara, diin siya nagserbisyo sukad niadtong 2022.

Kahinumduman nga nalakip si Yap sa mga magbabalaod nga giimbestigahan tungod sa giingong mga anomaliya sa mga proyekto alang sa pagbaha.

Matod ni Ombudsman Boying Remulla, usa siya sa tulo ka mga magbabalaod nga nalambigit sa wala pa mahuman nga P275.9 milyones nga flood control project sa La Union.

Ang kontraktor sa proyekto, ang Silverwolves Construction Corp., nag-atubang usab og kasong malversation ingon man graft.