DAVAO CITY – Gikatakda nga dunggon sa Regional Trial Court Branch 33 sa adlaw nga lunes ang motion for determination of probable case nga giduso sa abogado sa usa sa mga akusado sa Davao night market blast.
Samtang laoman sumala pa nga mo-presenta ang prosecution ug mga ebidensiya isip suporta sa omnibus motion to declare probable cause aron manubag si Abdul Jabbar Masla o Datu Masla, sa kaso.
Una ng giduso ang motion for reconsideration sa prosecution nga mikuwestiyon sa mosyon sa abogado ni Masla, nga una ng mihangyo sa korte nga magpagula ug subpoena sa duruha ka mga lain pa nga akusado nga miduhig kang Masla aron nga madetermina sumala pa kung adunay probable cause aron nga pasakahan ug kaso ang iyang kliyente.
Samtang si Judge Lope Callo pinaago sa iyang motion hearing maoy modesisyon kung kinahanglan ba nga i-dismiss ang maong mosyon nga maoy basehan kung angayan nga ilakip si Masla sa laing 13 pa ka mga napasakahan ug multiple murders ug multiple attempted murders.
Kahinumduman nga una na sab nga nagpadala ug mosyon ang prosecutionngadto sa Branch 33 niining milabay nga adlaw alang sa pag-amyenda sa impormasyon nga giduso batok sa akusado kalabot sa gipasakang terrorism nga aduna kalabutan pa gihapon sa nahitabong pagpamomba sa Roxas Night Market kaniadtong Setyembre sa milabay nga tuig.
