DAVAO CITY – Gitino ni Atty. Israelito Bobet Torreon ang Dean sa College of Law sa Jose Maria College nga pre-mature pa ang gidusong impeachment complaint ni Magdalo Rep. Gary Alejano batok kang Pangulong Rodrigo Duterte kagahapon adlawa.
Matud pa kang Atty. Torreon kung gibasehan ni Alejado mao ang wala paghatag ug pagtagad ni Pangulong Duterte sa foreign policy sa West Philippine Sea, Panatag shoal ug Benham rise, dili sumala pa lig-on ang maong reklamo ilabi na nga walay kongkreto nga ebidensiya nga makapamatuod nga nagpahigayon ug exploration ug research ang China sa Benham rise.
Samtang gitino ni Atty. Torreon nga ang scarborough shoal o Panatag shoal ang gipanag-iyahan sa Philipinas ilabi na nga nagpagula na niini ug desisyon ang United Nation (UN) diin gawasnon ang nasud nga makapahigayon ug exploration ingon man research sa nahisgutan nga isla.
Dako sab ang pagtuo ni Atty. Torreon nga Political Moves lamang ang gi-apas sa mga miduso ug impeachment batok kang Pangulong Duterte kini aron magamit sumala pa sa mga nahisgutan ang maong kaso nga maduso sa International Criminal Court (ICC) ilabi na kung dili kini magmalampuson dinhi sa nasud.
