Gihangyo sa liderato sa Senado ngadto sa Malacañang nga i-certify as urgent ni Pangulong Ferdinand Marcos Jr. ang panukalang batas nga nagdili sa political dynasties.
Gipahayag ni Senator Risa Hontiveros nga aduna kini suporta gikan sa Senate Leadership human gipadayag ni kanhing Bangko Sentral ng Pilipinas Deputy Governor Diwa Guinigundo ang kaimportante sa maong balaodnon.
Nagpasidaan si Guinigundo nga ang dugay nga paghari sa mga political dynasty sa nagkadaiyang dapit sa nasod ang mahimong babag sa paglambo sa ekonomiya ug sa pagsumpo sa red tape ug korapsyon.
Gipahiluna na ang Senate Bill No. 1901 isip usa sa mga priority measure sa LEDAC apan pabilin pa kining nagpaabot sa second reading sa Senado.
Tuyo sa maong balay-balaodnon nga idili ang pagpahimutang sa mga kabanay sa elective offices sa national ug local nga lebel, pati na sa party-list system.
