Nagpahigayon og halapad nga imbestigasyon ang Office of the Ombudsman kabahin sa giingong mga peke nga proyektong “Free Wi-Fi” nga gipondohan og bilyon-bilyong pesos gikan sa nasudnong gobyerno.
Matud ni Assistant Ombudsman Mico Clavano, gilimbongan lamang kuno ang publiko tungod kay bisan adunay mga hardware sama sa router nga gipahimutang sa pipila ka lugar, wala kini naghatag og naglihok o epektibong internet service.
Gisusi sa Ombudsman ang software ug mga sistema nga gigamit sa maong proyekto, diin sa ilang unang pagtan-aw, kulang ug dili husto ang mga sistema aron mapakita lamang nga adunay naglihok nga librenDICTg Wi-Fi sa mga pampublikong lugar.
Wala pa maghatag og dugang detalye si Clavano kabahin sa mga probinsya o pasilidad nga posibleng nalambigit samtang nagpadayon ang fact-finding investigation, apan iyang giklaro nga nasakop sa imbestigasyon ang tibuok nasud.
Nagsugod ang maong lakang human gibutyag sa Ombudsman ang giingong “ghost internet scheme” sa mga IT system sa gobyerno, diin pipila ka kontraktor giakusahan nga migamit og karaang software ug peke nga sistema bisan pa og padayon ang pagpangolekta og bayad alang sa mga kagamitan.
Gisentro usab sa imbestigasyon ang Department of Information and Communications Technology o DICT, nga mipahayag nga abli kini sa pagsusi ug wala mokunsinti sa bisan unsang porma sa korapsyon sulod sa ilang ahensya.
