Mikunhod sa rekord-ubos nga 9.7 porsiyento ang poverty rate sa Pilipinas niadtong 2025, base sa pinakabag-ong datos sa Philippine Statistics Authority o PSA.
Kaparehas kini sa gibanabanang 6.5 milyon ka Pilipino nga nakabangon sa kalisoda tali sa 2023 ug 2025.
Sumala sa Department of Economy, Planning, and Development, mas sayo nga nakab-ot sa nasod ang single-digit poverty target ubos sa Philippine Development Plan.
Mitumaw usab ang nominal income sa lain-laing lebel sa kita og mga 22 porsiyento, samtang lima ra ka porsiyento ang cumulative inflation sa maong panahon.
Gipadayag sa World Bank ang pagpadayon sa maayong dagan sa ekonomiya pinaagi sa pagmugna og de-kalidad nga trabaho, inclusive growth ug mas lig-on nga social protection.
Lakip sa gisugyot niini ang pagpalig-on sa mga programa sama sa 4Ps aron mapanalipdan ang mga kabus ug labing huyang nga sektor sa katilingban.
