Posibleng adunay bag-ong Low Pressure Area kon LPA nga mamugna sa amihanan-sidlakang bahin sa Philippine Area of Responsibility kon PAR sunod semana, sumala sa PAGASA. Matud sa state weather bureau, mahimo kining molihok paingon sa kasadpan ug mosulod sa PAR, nga posible usab makapalig-on sa habagat kon Southwest Monsoon.
Samtang, ang kasamtangang LPA nga gibantayan sa gawas sa PAR dili na gipaabot nga mahimong tropical depression sulod sa sunod 24 oras.Gipahimangnoan usab sa PAGASA ang mga lugar nga kabukiran tungod kay posibleng mas kusog ang pag-ulan dala sa habagat.Tungod niini, mahimong mosaka ang risgo sa pagbaha ug landslide kung magpadayon ang ulan.
Matud sa PAGASA, kasagarang pinakakusog ang epekto sa habagat matag Agosto. Padayon nga makasinati og ulan ang Zambales, Bataan, Metro Manila, Ilocos Region, Cordillera Administrative Region, Cagayan Valley, CALABARZON, MIMAROPA, ubang bahin sa Central Luzon ug Antique.
