Mihinay sa 2.3 porsiyento ang pagtubo sa ekonomiya sa Pilipinas o Gross Domestic Product (GDP) sa ikaduhang kwarter sa 2026, sumala sa taho sa Philippine Statistics Authority (PSA) karong adlawng Biyernes, Agosto 7, 2026.
Kini ang labing dugay nga paghinay sa ekonomiya sa miaging lima ka tuig, tungod sa taas nga inflation, epekto sa panagbangi sa Middle East, ug pagkunhod sa gipuhunang salapi.
Gibutyag ni PSA Chief ug National Statistician Claire Dennis Mapa nga ang 2.3 porsiyentong pagtubo mas hinay kumpara sa 2.8 porsiyento nga natala sa unang kwarter sa 2026.
Layo usab kini sa 5.4 porsiyentong pagtubo nga natala sa samang panahon niadtong 2025.
Tungod sa maong paghinay, 2.6 porsiyento lamang ang kasagarang pagtubo sa ekonomiya alang sa tibuok unang semestre o first half sa 2026.
Tungod sa mga hagit sa ekonomiya, gipaubos sa gobyerno ang target sa pagtubo alang sa tibuok tuig ngadto sa 3.5 porsiyento hangtod 4.5 porsiyento gikan sa mas taas nga gibanabana.
