Gipahimangnoan sa mga economic managers nga mahimong mokabat sa ₱66 bilyon matag tuig ang mawagtang nga kita sa gobyerno kon mapasar ang gisulong nga tax relief package ni Pangulong Ferdinand Marcos Jr., nga nagtumong sa pagpakunhod sa buhis sa mga mamumuo ug gagmayng mga negosyo.
Sumala sa Department of Finance (DOF), ang maong lakang maghatag og dakong kahupayan sa mga taxpayers pinaagi sa pagpalapad sa income tax exemption ug pagkunhod sa income tax sa ubang mga mamumuo, lakip na ang paghatag og tax amnesty sa pipila ka wala makabayad og buhis. Dugang pa niini, bisan og mokunhod ang koleksiyon sa gobyerno, gipasabot sa mga opisyal nga mahimo kining mapun-an pinaagi sa bag-ong mga revenue measures aron dili maapektuhan ang paggasto sa gobyerno ug mapadayon ang fiscal stability.
Gibutyag usab ni Pangulong Marcos nga ang maong tax reforms nagtumong sa paghatag og dugang ginhawa sa middle class ug sa mga gagmay’ng negosyo samtang gipalig-on ang pagtubo sa ekonomiya ug ang patas nga sistema sa pagbuhis. Sa pagkakaron, nagpaabot pa ang administrasyon sa aksyon sa Kongreso sa mga gisulong nga tax reform measures nga gilakip sa legislative agenda sa Pangulo.
