Gi-kansela ni National Bureau of Investigation o NBI Director Melvin Matibag ang iyang giplanong biyahe paingon sa Bangkok, Thailand aron motambong unta sa regional summit nga gitakdang ipahigayon sa Hulyo 21 hangtod 22. Sumala pa ni Matibag, iyang gipili nga dili na ipadayon ang biyahe aron makatambong ug makapanghimatuod isip saksi sa impeachment trial sa Hulyo 20.
Dugang pa niini, ikasubo man sa NBI chief ang pagkawala sa higayon nga hisgutan unta ang mga isyu kabahin sa intelligence network ug dugang koordinasyon uban kang FBI Director Kash Patel, padayon gihapon ang ilang pakig-uban alang sa umaabot nga panagtapok.
Kahinumduman nga giimbitar sa FBI chief ang NBI sa maong summit tungod sa papel sa ahensya sa pagtabang sa paspas nga pagpauli sa usa sa most wanted persons sa Estados Unidos.
