-- ADVERTISEMENT --
Misaka na sa 14 ka Port Management Office (PMO) sa tibuok nasod ang nakarehistro og mga kanseladong biyahe tungod sa dili maayong kahimtang sa panahon nga dala sa Bagyong Inday.
Misamot ang gidaghanon sa mga kanseladong biyahe bisan pa nga hinay-hinay nang mipalayo ang bagyo ug nahuyang na kini gikan sa una niining kahimtang isip usa ka super typhoon.
Ania ang mga PMO ug gidaghanon sa ilang mga kanseladong biyahe:
- PMO Batangas – 7
- PMO Masbate – 6
- PMO Eastern Leyte/Samar – 6
- PMO Marinduque/Quezon – 4
- PMO Mindoro – 9
- PMO Bicol – 8
- PMO Bohol – 5
- PMO Palawan – 3
- PMO Negros Oriental/Siquijor – 2
- PMO Panay/Guimaras – 9
- PMO Western Leyte/Biliran – 7
- PMO Agusan – 1
- PMO Surigao – 3
- PMO Zamboanga del Norte – 1
Sumala sa Philippine Ports Authority (PPA), gipahimangnoan na niini ang mga shipping line nga sayohon ang pagpagawas sa ilang mga advisory aron dili na mahasol pa ang mga pasahero nga mobiyahe.
Sa pagkakaron, adunay 141 ka mga tawo nga na-stranded sa mga pantalan, base sa pinakabag-ong report sa PPA.
-- ADVERTISEMENT --
