Giila sila Jericho Rosales ug Maris Racal isip labing maayong aktor ug aktres sa ika-9 nga Entertainment Editors’ Choice Awards (The Eddys) nga gipahigayon niadtong Domingo sa gabii, Hulyo 5, sa Pasay City. Dugang pa, gipasidunggan si Jericho Rosales isip Best Actor tungod sa iyang pagpakita sa iyang abilidad sa talento sa pelikulang “Quezon,” samtang giila usab si Maris Racal isip Best Actress alang sa iyang papel sa pelikulang “Sunshine”
Sumala pa, sa iyang acceptance speech, emosyonal si Jericho samtang gihisgutan ang iyang inahan nga nag-antos sa Alzheimer’s disease, lakip ang iyang pamilya ug uyab nga si Janine Gutierrez, nga iyang gipasalamatan sa ilang walay hunong nga suporta. Samtang, naghatag usab si Maris og mensahe sa paglaom alang sa mga tawo nga nag-atubang og bug-at nga pagsulay sa kinabuhi ug giawhag ang tanan nga mobangon ug dili mawad-an og pagsalig sa ilang kaugalingon.
Dugang pa, giingon sa aktres nga kinahanglan nga dili magpatintal sa mga negatibong tingog ug hinumdoman kanunay ang tinuod nilang bili isip tawo. Kahinumduman, nalambigit si Maris Racal sa usa ka kontrobersiya niadtong 2024 may kalabotan sa iyang miaging relasyon uban sa aktor nga si Anthony Jennings.
