Gipadayag sa House Prosecution Panel nga posible nilang dili na ipresentar ang tanang testigo ug dili na usab ipadayon ang paghisgot sa ubang articles of impeachment kon ilang makita nga igo na ang mga ebidensiya aron mapamatud-an ang giingong responsibilidad ni Vice President Sara Duterte.
Sumala pa kang Manila Rep. Joel Chua, plano sa prosecution nga unahon ang paglatid sa kaso may kalabotan sa giingong mga hulga nga gipahayag ni Duterte batok kang Manila Rep. Joel Chua, nga pagasundan sa mga alegasyon sa giingong sayop nga paggamit sa confidential funds, panuhol, ug dili mapasabut nga katigayunan.
Dugang pa niini, giingon ni Chua nga kon mapamatud-an nilang lig-on na ang ilang kaso pinaagi sa mga nag-unang ebidensiya ug pipila ka mga testigo, mahimo nilang tapuson ang presentasyon sa kaso ug i-waive ang ubang mga testigo o articles of impeachment. Sa kasamtangan, nagpadayon ang pagpangandam sa House Prosecution Panel alang sa umaabot nga impeachment trial sa Senado.
