Magpadayon sa Lunes, Hunyo 22, ang pre-trial conference alang sa impeachment case ni Vice President Sara Duterte human wala pa makumpleto ang tanang mga ebidensya sa matag pikas nga bahin. Kini ang gikumpirma ni Atty. Michael Poa, ang tigpamaba sa defense panel ni VP Sara, human ang gipahigayon nga closed-door pre-trial conference.
Sumala kang Atty. Poa, bag-uhay pa lamang sila mahuman sa pag-marka sa mga ebidensya alang sa usaka artikulo sa impeachment ug aduna pay tulo ka mga nahabiling tukion una hingpit magsugod ang pagtaral. Kalakip sa Article III ang mga pasangil sa bribery, graft and corruption, pagpukas sa Konstitusyon, ug betrayal of public trust batok sa Bise Presidente. Dugang pa niini, ilang gilauman nga mahuman ang tibuok proseso sa Lunes, apan andam lamang gihapon sila nga mobalik sa Martes kung gikinahanglan.
Gitin-aw usab ni Poa nga lisud pa nga masiguro kung kanus-a mahuman ang pre-trial gumikan sa kadaghan sa mga dokumento nga gikinahanglang sutaon ug markahan alang sa uban pang mga artikulo sa impeachment. Luyo niini, misalig ang defense team nga posibli lamang gihapong masunod ang target nga pagsugod sa impeachment trial sa Hulyo 6. Samtang, nakasabot na usab sumala pa ang depensa ug ang prosecution sa ilang tagsa-tagsa ka mga listahan sa mga testigo.
Gibana-bana nga naa sa 25 hangtud 30 ka testigo ang ipa-atubang sa kampo ni Duterte, kalakip na ang pipila ka mga reserve witnesses. Gitin-aw usab ni Poa nga normal lamang ang mga argumento ug iskusyon tali sa depensa ug sa prosekusyon sa panahon sa pre-trial ug wala sumala pay personal nga panag-away tali sa duha ka kabahin.
