Nibisita ug nag-inspeksyon si Sen. Risa Hontiveros sa mga pasilidad sa Mindanao State University–General Santos nga nadaot tungod sa Magnitude 7.8 nga linog nga miigo sa Mindanao niaging semana.Gihimo ni Hontiveros ang pagbisita kagahapong adlawa, Hunyo 15, aron personal nga masuta ang kahimtang sa mga istruktura nga naapektuhan sa maong kalamidad.
Sumala pa sa senador, misaad siya og suporta ug pakigkoordinasyon sa mga may kalabutang ahensya sa gobyerno aron mapaspasan ang rehabilitasyon ug pag-ayo sa mga nagubang pasilidad sa unibersidad.Dugang pa, gipasiugda ni Hontiveros ang kahinungdanon sa dali nga pagbangon sa mga educational facilities aron masiguro ang kaluwasan ug padayon nga pagkat-on sa mga estudyante nga naapektuhan sa linog.
Sa pagkakaron, nagpadayon ang assessment sa kadaot sa kampus samtang ginapangita ang mga paagi aron masugdan dayon ang rehabilitasyon sa mga nadaot nga estruktura.
