Malampusong gipahigayon niadtong Hunyo 14 ang “I Do – Kasalan ng Bayan 2026”, usa sa mga nag-unang kalihokan sa selebrasyon sa Ka’aNiYogan Festival ug sa ika-60 nga anibersaryo sa Tarragona, diin 60 ka magtiayon ang opisyal nang nagbugkos sa kaminyoon.
Ang seremonya gipangulohan ni Mayor Kaka Bulaong uban sa presensya sa mga municipal level ug barangay officials nga nagpakita sa ilang suporta sa maong makahuluganon nga kalihokan.
Mitambong usab si Marantha P. Cavan-Sucnaan sa Office of the Municipal Civil Registrar, nga adunay dakong papel sa pagdumala sa programa.
Mas nahimong espesyal ang maong okasyon pinaagi sa presensya ni Cheryl B. Cabaobao, nga nakig-uban sa pagsaulog sa maong makasaysayanong higayon.
Ang “I Do – Kasalan ng Bayan 2026” dili lamang usa ka seremonya sa kaminyoon kondili usa usab ka pagsaulog sa gugma, panaghiusa ug bag-ong sinugdanan alang sa 60 ka magtiayon, ug nagpabiling usa sa labing makahuluganon nga kalihokan sa 1st Ka’aNiYogan Festival ug 60th Araw ng Tarragona.
