Nahuman na ang kampanya ni Filipina tennis star Alex Eala sa WTA 500 HSBC Championships human kini mapildi ni Iva Jovic sa Round of 16 sa iskor nga 6-2, 6-2. Nakuha dayon ni Jovic ang pagpanguna sa maong dula sukad sa pagsugod niini ug wala na makabawi si Eala hangtod sa katapusan sa maong panagsangka nga milungtad og usa ka oras ug 16 minutos.
Bisan pa sa kapildihan, padayon gihapon ang kampanya ni Eala sa grass-court season. Sa pagkakaron, gikatakda siyang mosalmot sa Iva Jovic diin kabahin siya sa qualifying draw. Samtang, nakalusot si Jovic ngadto sa quarterfinals human sa iyang dominante nga performance gikan sa unang set hangtod sa katapusan sa duwa.
Kahinumduman, maayo ang dagan ang gipakita ni Eala sa wala pa ang HSBC Championships. Lakip sa iyang mga kalampusan ang pagsakmit sa kampeonato sa WTA 125 Birmingham Open. Dugang pa niini, nakab-ot usab niya ang Round of 16 sa HSBC Championships human niyang gipilde si Zhang Shuai sa China sa iskor nga 6-3 ug 6-2 sa miaging hugna sa torneo.
