Gilauman ang aktibong pag-apil sa mga estudyante, imbentor, negosyante ug innovators sa Davao Inventors Expo 2026 nga ipahigayon gikan Hunyo 19 hangtod 21 sa Abreeza Mall, Davao City.
Ipasundayag sa maong kalihokan ang nagkalainlaing mga imbensyon, bag-ong teknolohiya, startup innovations ug eco-friendly nga mga produkto gikan sa lokal nga mga imbentor, academic institutions ug micro, small and medium enterprises o MSMEs.
Tumong sa expo nga mapalambo ang kultura sa inobasyon, mapalig-on ang networking ug learning opportunities, ug masuportahan ang mga lokal nga imbentor ug kabatan-ong innovators.
Giawhag sa mga organisador ang publiko nga motambong ug mahimong kabahin sa maong kalihokan aron mas mailhan ang mga bag-ong ideya ug teknolohiya nga makatampo sa kalamboan sa umaabot.
Ang Davao Inventors Expo 2026 gidumala sa Davao Inventors Association.
