Gipasalig sa Department of Agriculture ang padayon nga suporta niini sa mga mag-uuma nga naapektuhan sa pagsaka sa presyo sa krudo.
Matod ni Assistant Sec.Arnel de Mesa, adunay dugang nga ₱25 milyong pondo alang sa fuel subsidy nga ipanghatag sa mga kwalipikadong mag-uuma sa tibuok nasud.
Kini human magpagawas ang Department of Budget and Management og Special Allotment Release Order o SARO alang sa maong pondo.
Ubos sa programa, gilauman nga mokabat sa 5,000 ka kwalipikadong mag-uuma ang makadawat og tig-₱5,000 nga ayuda.
Sumala sa DA, tukma usab ang pagpagawas sa maong subsidiya tungod kay nagsugod na ang panahon sa pagpangtanom, diin dako ang panginahanglan sa mga mag-uuma sa fuel ug uban pang gastohan sa produksyon.
Gilauman sa ahensya nga makatabang ang maong ayuda aron maminusan ang epekto sa pagsaka sa presyo sa petrolyo ug mapadayon ang produksyon sa sektor sa agrikultura.
