10 patay tungod sa airstrike sa Russia sa Kyiv, Ukraine

Naglusad og dakong airstrike ang Russia sa kyiv, Ukraine nga miresulta sa dakong kadaot sa daghang mga bilding ug kabalayan.

Gibanabanaan nga mokabat sa 10 ka tawo ang namatay sa gabii nga pag-atake sa Russia sa maong siyudad, samtang kapin sa 100 ka tawo ang nasamdan.

Gihiusa sa Russia ang paggamit sa mga drone ug missile attacks sa ilang opensiba batok sa Ukraine, ilabina sa Kyiv.

Sumala sa mga awtoridad sa Russia, ang maong pag-atake maoy ilang tubag sa una nang opensiba nga gihimo sa Ukraine niaging semana.

Padayon nga nagkataas ang tensiyon tali sa Russia ug Ukraine, samtang nagpadayon usab ang internasyonal nga kabalaka sa naglugway nga gubat tali sa duha ka nasud.