Maghatag ang Department of Labor and Employment og labing menos 200,000 ka oportunidad sa trabaho sa tibuok nasod pinaagi sa programang Tulong Panghanapbuhay sa Ating Disadvantaged Workers o TUPAD sugod karong adlawa.
Sa usa ka interbyu, gipahibalo ni Sec.Francis N. Tolentino nga opisyal nang ipadala sa ahensya ang mga TUPAD workers aron motabang sa pagpatuman sa programa sa Department of Education nga Brigada Eskwela.
Sumala sa kalihim, ang maong lakang nagtumong sa paghatag og temporaryong panginabuhian sa mga kabus ug dis-advantage workers samtang nagtabang usab sa pagpangandam sa mga eskwelahan alang sa umaabot nga pag-abri sa klase.
Gilauman nga ang pagsalmot sa mga benepisyaryo sa TUPAD sa Bayanihan makatabang sa paglimpyo, pag-ayo, ug pagpahapsay sa mga pasilidad sa eskwelahan aron mahimong andam ug luwas alang sa mga estudyante ug magtutudlo.
Padayon nga gipasiugda sa DOLE ang mga programa nga nagtumong sa pagmugna og mga oportunidad sa trabaho ug paghatag og suporta sa mga Pilipinong nanginahanglan og dugang nga panginabuhian.
