Bagyo nga anaa sa sidlakang bahin sa Mindanao padayong ginabantayan

Padayon ang pagduol sa usa ka tropical depression padulong sa Philippine Area of Responsibility (PAR).

Ang sentro niini nasiplatan sa gilay-on nga 1,230 kilometro sidlakan sa amihanang-sidlakang Mindanao.

Nagdala kini og kusog sa hangin nga moabot og 55 kilometro matag oras duol sa sentro ug paghaguros hangtod sa 70 kilometro matag oras.

Naglihok kini paingon sa kasadpang-amihanang kasadpan sa gikusgon nga Dyes kilometros matag oras.

Bisan pa nga wala pa kini direktang epekto sa nasud, padayon nga gibantayan karon sa mga awtoridad ang lihok sa maong weather system.

Posible kini mosulod sa PAR sa umaabot nga mga adlaw ug makaapekto sa kahimtang sa panahon sa pipila ka bahin sa Mindanao ug Visayas.