Nasikop sa joint law enforcement operation nga gipahigayon sa Bureau of Immigration Region XI uban sa suporta sa Philippine Army 10th Infantry Division ang 24 ka foreign nationals sa Panabo City, Davao del Norte kagahapong adlawa.
Sumala sa mga awtoridad, 27 ka foreign nationals ang unang gipailawom sa verification apan 24 kanila ang nakitang adunay giingong paglapas sa Commonwealth Act No. 613 o Philippine Immigration Act of 1940.
Lakip sa mga giingong paglapas mao ang misrepresentation, pagtrabaho nga walay hustong visa o permit, ug overstaying samtang nagtrabaho nga walay otorisasyon.
Nadiskobrehan usab sa mga imbestigador nga pipila sa mga nadakpan kunohay empleyado sa mga kompanya nga lahi sa nagpetisyon sa ilang visa.
Ang uban usab giingong nagtrabaho bisan tourist visa lamang ang ilang gihuptan ug walay saktong work permits.
Sa pagkakaron, gikostrudiya na ang mga foreign nationals sulod sa compound sa Tri-Shining International Oil Corporation/Kunheting Corporation sa Barangay New Little Panay alang sa initial processing ug documentation sa immigration authorities.
