Kini ang hugot nga reaksyon ni Sen.Migz Zubiri samtang naghatag og privilege speech si Sen.Imee Marcos sa Senado human nga nalakip ang iyahang pangalan sa gikaingong plano nga paglugway sa termino.
Nasayran nga hugot nga misupak si Zubiri sa video nga gipakita ni Senadora Imee Marcos diin nalambigit ang iyang ngalan sa giingong pagduso sa charter change nga adunay tumong nga mapalugwayan ang termino sa administrasyon ni Pang.Ferdinand Marcos Jr..
Tungod niini giklaro ni Sen.Zubiri nga wala siyay partisipasyon sa maong kalihokan ug mipahilayo siya sa bisan unsang paningkamot nga usbon ang Konstitusyon alang sa political term extension.
Una na nga mitumaw ang kontrobersiya atol sa diskusyon sa Senado diin gipakita ni Senadora Marcos ang usa ka video nga kuno naglambigit kang Zubiri sa mga estorya kabahin sa charter change.
Gibutyag usab ni Zubiri nga ang iyang prayoridad nagpabiling naka-focus sa legislative work ug public service, dili sa constitutional amendments alang sa political gain.
