Gihangyo legal team ni kanhing Pangulong Rodrigo Duterte sa International Criminal Court (ICC) na ipadaplin ang pagsugod sa trial proceedings ug hangtod sa 19 ka bulan.
Kini human sa confirmation of charges sa kanhing Pangulo niadtong Abril 23, 2026.
Base sa filing sa bag-ong lead counsel ni Duterte nga si Peter Haynes sa ICC Trial Chamber III, nagkinahanglan sila og dugang panahon aron makapreparar sa kaso.
Gihisgutan usab sa abogado ang mga naunang kaso sa ICC nga nagsugod lang 14 hangtod 19 ka bulan human sa confirmation of charges.
Kung pagahatagan kini og pabor, posibleng masibog ang pagtaral sa tunga-tunga nga bahin sa Hunyo hangtod Nobyembre 2027.
Supak kini sa hangyo sa prosekusyon nga sugdan ang trial sa Nobyembre 30, 2026, o wala pa gani walo ka bulan human sa confirmation of charges.
Gibutyag pa sa depensa nga “inappropriate” ang pagtakda og petsa karon tungod sa mga wala pa masulbad nga isyu nga posibleng makaapekto sa pagtaral.
Sumala kang Haynes, kinahanglan una nga tukion sa Trial Chamber kung “fit” ba si Duterte nga motubag sa trial.
Bisan pa giila sa depensa ang health assessment nga gihimo kaniya sa pre-trial phase, gikanayon niini nga padayon ang paggrabe sa iyang kahimtang ug kinahanglan pa kini masusi og maayo una pa sugdan ang bisan unsang trial.
