Ginaimbestigahan na karon sa mga otoridad ang pagkamatay ni Brandon Clarke nga player sa Memphis Grizzlies.
Subay sa inisyal nga imbestigasyon sa mga otoridad, nakit-an ang 29-anyos nga atleta nga wala nay kinabuhi sulod sa iyang balay.
Matud pa, adunay nakit-ang drug paraphernalia ang mga otoridad sa lugar.
Gihulat usab karon sa mga otoridad ang resulta sa autopsy aron mahibal-an ang eksaktong hinungdan sa kamatayon sa Grizzlies player.
Niaging bulan, gidakop usab siya sa mga otoridad tungod sa kusog nga pagpadagan sa iyang sakyanan ug nakuhaan usab kuno og controlled substance sa Arkansas.
Niadtong 2019 sa dihang nisulod siya sa National Basketball Association isip ika-21 overall pick sa Oklahoma City Thunder apan dayon usab siyang na-trade ngadto sa Memphis.
Sulod sa pito ka season sa NBA, nakarekord siya og average nga 10.2 points, 5.5 rebounds ug 1.3 assists.
